ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងរោងចក្រកាត់ដេរ និងស្បែកជើង ចំនួន៣ នៅក្នុងរាជធានីភ្នំពេញ និងខេត្តកណ្ដាល ដែលមានទឹកប្រាក់វិនិយោគជាង ៨,៥លានដុល្លារអាមេរិក និងអាចផ្ដល់ការងារជូនពលរដ្ឋបានជាង ៤ពាន់៣រយនាក់។
គម្រោងទាំងនោះផ្ដល់ឱ្យរោងចក្រកាត់ដេរចំនួន១ ដែលមានទីតាំងក្នុងសង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ ដែលមានទុនវិនិយោគប្រមាណ២លានដុល្លារ និងគម្រោងបង្កើតរោងចក្រផលិតស្បែកជើង និងគ្រឿងបន្សំស្បែកជើងចំនួន២ ដែលមានទីតាំងនៅស្រុកអង្គស្នួល ខេត្តកណ្ដាល ដែលមានទុនវិនិយោគវិនិយោគសរុបប្រមាណជាង ៦,៥លានដុល្លាអាមេរិក។
គិតត្រឹមឆ្នាំ ២០២០ កន្លងទៅ កម្ពុជាមានរោងចក្រសរុបជាង ១ ៨៥៣ រោងចក្រ ដែលផ្តល់ការងារឱ្យពលរដ្ឋបានជាង ៩០ម៉ឺនកន្លែង៕
